SBCL Rules & Policy

Warning: Registration form soch samajh kar hi bharein. Khelne se pehle in niyam-o-sharto ko dhyan se padh lein.

1. No Refund Policy

Player Registration fee (₹199) kisi bhi haal mein wapas nahi hogi. Form bharne se pehle soch samajh lein. Ek baar payment hone ke baad registration final mana jayega.

2. Auction & Pricing

Auction mein unsold rehne (na bikne) par SBCL Committee ka koi dosh ya hath nahi hoga. Team Owners players ko unke talent aur skill ke hisaab se kharidenge. Base price ke upar koi bhi price mil sakti hai.

3. Strict Fine & 2-Year Ban

Agar koi player auction mein bik jata hai aur match ke din ground par nahi pahuchta, toh us par ₹1100 ka strict fine lagega aur use SBCL se 2 saal ke liye BAN kar diya jayega. Auction mein bikne ke baad khelna aana hi hoga!

4. Team Structure & Format

Tournament mein total 8 teams hongi. Ek team management (squad) mein 15 se 17 players honge, lekin ground par sirf 9 players hi khelenge. Har innings 6 overs ki hogi.

5. Shortboundary Rule (6 is OUT)

Kyunki yeh Shortboundary League hai, agar koi player direct boundary ke bahar shot (6 runs) marta hai, toh use OUT qaraar diya jayega.

6. Umpire Decision & Fair Play

Umpire ka decision aakhiri hoga. Koi bhi player umpire se behes ya gali-galauj nahi kar sakta. Sirf aur sirf Team Captain ko haq hai umpire se baat karne ka. Rule todne par committee turant action legi.

7. Franchise Commitment

8 teams mein se jo bhi team aapko kharidti hai, aapko usi ke liye khelna hoga. Player ki apni man-marzi nahi chalegi ki main is team mein nahi khelunga.

8. Punctuality & Emergencies

7 din ke tournament mein jis din aapka match hai, venue par 1 ghanta pehle pahuchna anivarya (mandatory) hai. Agar koi bahut urgent medical emergency ho, toh match se kam se kam 7 din pehle SBCL Committee ko inform karna hoga taaki replacement ho sake. Emergency genuine hai ya nahi, ye committee decide karegi.

9. Jersey & Sponsorship

SBCL ko Purnea ki public, Mukhiya, aur Panchayat ke sahyog se chalaya ja raha hai taaki youth ko ek manch mile. Isliye, Jersey par lage kisi bhi Sponsor banner ya poster se kisi player ko a आपत्ति (objection) nahi honi chahiye.

Upar diye gaye saare niyam SBCL Committee dwara pass kiye gaye hain.

Emergency Queries?

Anwar Ali (CEO): +91 94723 24623