100% Safe & Secure
SBCL Committee aapke data (Aadhar, PAN, Photo, Mobile Number) ki dil se izzat karti hai. Hum aapko yakeen dilate hain ki aapka data Google ke high-security servers par encrypted form mein lock hai. Yeh data kisi bhi bahari company ko nahi becha jayega.
Hum Aapke Documents Kyun Lete Hain?
1. Live Auction & Jersey Printing
Aapki clear photo Live Auction screen par sabhi team owners ko dikhayi jayegi taaki wo aapko pehchan sakein. Sath hi, select hone par aapki official SBCL Jersey banwane aur website/social media promotions ke liye photo ka use hoga.
2. Scammers Aur Fake Entries Se Bachaav
Kai baar log fake naam aur galat number se form bhar kar fraud karne ki koshish karte hain, jisse honest players ka haq mara jata hai aur SBCL ko bhari nuksan hota hai. Aadhar/PAN lene se yeh confirm hota hai ki player 100% genuine hai aur Purnea/aas-paas ke ilaqe ka hi hai.
3. Legal Action & Committee Safety
Agar koi player paisa dekar match mein nahi aata, ground par tod-fod karta hai, ya SBCL ka naam kharab karne ki koshish karta hai, toh committee ke paas legal action lene ke liye saboot hona chahiye. Genuine players ko isse koi darr nahi hona chahiye. Humne yeh rule SBCL ko lamba aur successfully chalane ke liye banaya hai.
Data Access Rule
Aapke Aadhar/PAN ka backend access sirf Anwar Ali (CEO) aur top committee members ke paas hai. Auction ke waqt Team Owners ko sirf aapka Naam, Photo, aur Cricket stats dikhaya jayega, documents nahi.
By registering, you agree that SBCL can use your media for league promotion and document details for internal verification.